Кніга вершаў, казак і загадак Юрыя Несцярэнкі «Чароўныя назвы» (PDF)

Афлайн- і анлайн-крама Symbal.by пад ціскам шматлікіх праверак спынілі сваю працу. На нашым сайце мы пакінулі некалькі электронных тавараў з сыходнымі макетамі і дызайнамі ў pdf-файлах, якія раней былі рэальнымі рэчамі: кнігі, паштоўкі, торбы, цішоткі ды іншае.

Вы можаце выбраць пэўную колькасць такіх тавараў і аплаціць карткай ці праз PayPal з любой краіны. Аплочаныя файлы будуць даступныя  ў асабістым кабінеце.

Набываючы гэтыя электронныя тавары — вы дапамагаеце нашай камандзе ў мінімальным фармаце працягваць сваю дзейнасць, весці сацыяльныя сеткі, аплочваць штрафы ды іншыя выдаткі для захавання кампаніі.

Чаму зачынілася крама чытайце тут.

Увага! Калі вы хочаце падтрымаць нас і за адзін тавар аплаціць большую суму, то выбярыце патрэбную колькасць, якая адпаведна будзе памнажацца на кошт тавара.

Дзіцячая кніга «Чароўныя назвы», у якой сабраны 200 аўтарскіх беларускамоўных загадак, вершы і казкі Юрыя Несцярэнкі. З дапамогай гэтай кнігі файна будзе праводзіць мерапрыемствы для дзетак.

Юрый Несцярэнка пра кнігу:

Дзед Бялын, калі напісаў усе вершы для дзетак і ўнукаў, спытаўся: «А хто ж намалюе да кожнага вершыка прыгожы малюнак?»

І вызваліся дзве сястрычкі — Аня і Саша. Як і шмат іхных сяброў, дзяўчынкі вельмі любілі маляваць з самага маленства. Яны сабралі тое, што намалявалі ва ўзросце годзікаў ад двух да васьмі (а таксама далучылі па малюнку сваіх старэйшых — Насці і Ілюшы, ды малодшай Ксюшы) і прапанавалі Дзеду Бялыну ўпрыгожыць гэтымі творамі тэкст.

І яшчэ — аднойчы Сашу і Аню за працай убачыла іхная добрая фея Цёця Воля і зрабіла вельмі прыгожыя здымкі. Вось так і атрымалася гэта цудоўная кніжка. То бок кніжка, у якой адбываюцца сапраўдныя маленькія цуды — звязаныя з неверагоднымі прыгодамі, загадкавымі і казачнымі сюжэтамі і чароўнымі назвамі!