Грамадская ініцыятыва са Слуцку «Тутэйшыя» сумесна з Symbal.by запрашаюць адзначыць 100-годдзе Слуцкага збройнага чыну, легендарнага ўзброенага супраціву і абароны беларускіх земляў ад савецкіх захопнікаў у раёне Слуцку ў лістападзе і снежні 1920 году.
Слуцкі збройны чын – гэта ўзброены выступ жыхароў Случчыны супраць бальшавікоў, які адбыўся ў лістападзе-снежні 1920 года. Традыцыйна 27 лістапада, калі пачаліся першыя баі случчакоў з бальшавікамі, лічыцца пачаткам паўстання і адзначаецца ў Беларусі і замежжы беларусамі, як Дзень герояў.
Цягам бліжэйшых некалькіх тыдняў на сайце Symbal.by і старонках у сацыяльных сетках мы будзем вам распавядаць пра герояў, падзеі і гістарычныя факты легендарнага Слуцкага паўстання, якое стала працягам змагання за сваю Беларускую Народную Рэспубліку і права беларусаў жыць самастойна і незалежна на сваё зямлі ў сваёй нацыянальнай дзяржаве.
Адмыслова да 100-годдзя Слуцкага збройнага чыну дызайнер Артур Вакараў распрацаваў фірмовы стыль #СЗЧ100, які па традыцыі мы выкладаем публічна для вольнага выкарыстання, як выкладалі фірмовыя стылі #БНР100 і Дня Волі.
Фірмовы стыль #СЗЧ100 спампаваць тут
Афіцыйны хэштэг святкавання 100-годдзе Слуцкага збройнага чыну — #СЗЧ100. Публікуйце ваш кантэнт па тэме, дадавайце хэштэг і атрымлівайце адмысловыя падарункі.
Хроніка святкавання 100-годдзя Слуцкага збройнага чыну #СЗЧ100:
1. У бой за Случчыну: 10 пытанняў пра слуцкае паўстанне. Прайдзіце тэст тут.
2. Цікавыя факты пра Слуцкі збройны чын, гераічную старонку беларускай гісторыі,чытайце ў інстаграм-пабліку – 1920.by.
3. Старонкі прысвечаныя Слуцкаму збройнаму чыну і святкаванню 100-годдзя:
– сайт 1920.by –галасуем за помнік героям, які хутка ўстановім у вольнай Беларусі,
– гістарычны праект «Часовая Рада Случчыны»: facebook, telegram, vk.
4. Чаму на Слуцкім паўстанні 1920 года робіцца такі акцэнт? Гэта ж быў не адзіны факт антыбальшавіцкага супраціву на тэрыторыі Беларусі ў тыя віхурныя часы. Але менавіта Слуцкае паўстанне мела пад сабой наймацнейшы палітычны грунт. Гэта быў не стыхійны бунт супраць новых парадкаў, а сістэмная спроба адстаяць незалежнасць беларускай нацыянальнай дзяржавы. Падрабязней чытайце ў «Нашай Ніве».
5. Новая песня Змітра Бартосіка на верш Усевалада Сцебуракі «Рэквіем беларускім паўстанцам». Усім героям ад Касцюшкі і Каліноўскага да Рамана Бандарэнкі прысвячаецца!
6. Анлайн-вэбінар ад Згуртавання беларусаў Канады «Дзень Герояў 2020: 100-я ўгодкі Слуцкага збройнага чыну» з удзелам старшыні Рады БНР Івонкі Сурвілы, даследчыцы Слуцкага збройнага чыну Ніны Стужынскай, пісьменнікаў Уладзіміра Арлова і Уладзіміра Някляева, гурта «Унія», музыкаў Лявона Вольскага і Змітра Вайцюшкевіча, паэтаў і бардаў Андрэя Хадановіча і Эдуарда Акуліна.
7. Праект «Слухай сюды» падрыхтаваў да 100-годдзя Слуцкага збройнага чыну відэа, у якім сабраў 5 фактаў пра гераічнае змаганне беларусаў за незалежнасць і абарону беларускіх земляў ад савецкіх захопнікаў у раёне Слуцку ў лістападзе і снежні 1920 году.
8. Беларускі незалежніцкі рух традыцыйна адзначае 27 лістапада як Дзень герояў. Да 100-годдзя Слуцкага збройнага чыну старшыня Рады БНР Івонка Сурвілла запісала зварот.
9. 30 лістапада грамадская ініцыятыва «Тутэйшыя» правяла ў Мінску лекцыю да 100-годдзя Слуцкага збройнага чыну «Гісторыя, якая натхняе» вядомай даследчыцы гэтай гераічнай старонкі нашай гісторыі Ніны Стужынскай.
Штодня ў нас паўстаюць героі, якія церпяць і паміраюць за свабоду Беларусі. Але ці памятаем мы пра герояў, якія змагаліся і паміралі за Беларусь 100 год таму ды раней.
Ужо каля 30 год беларусы, якія ведаюць і памятаюць гісторыю, у лістападзе адзначаюць Дзень Герояў, прысвечаны Слуцкаму збройнаму чыну, бо 100 год таму ў лістападзе 1920 года на Случчыне пачалося ўзброенае паўстанне. 40 дзён 2 беларускія палкі дабраахвотнікаў-случакоў, што прызналі Беларускую Народную Рэспубліку, аказвалі супраціў велізарнай колькасці акупацыйных войскаў Чырвонай арміі.
10. Вандроўка па мясцінах Слуцкага збройнага чыну. Падрабязнасці ў «Арт Вандроўні».
11. История столетия Слуцкого Восстания и почему это важно от 1863x.com.
12. Беларускі гісторык Ігар Мельнікаў да 100-годдзя Слуцкага збройнага чыну падрыхтаваў відэалекцыю пра гераічнае змаганне ў 1920 годзе беларусаў на Случчыне за вольны беларускі край.
13. Шыльда «Тым, што пайшлі паміраць, каб жыла Бацькаўшчына» будзе ўсталяваная ў беларускай грэка-каталіцкай царкве ў бельгійскім горадзе Анвэрпэн. Падрабязней тут.
14. Гісторык Ігар Мельнікаў праехаў па мясцінах, звязаных са Слуцкім збройным чынам, якія павінен наведаць кожны беларус.
15. 19 снежня адбудзецца краязнаўчая вандроўка да 100-годдзя Слуцкага збройнага чыну з Нінай Стужынскай і Цімохам Акудовічам «Па шляхах слуцкіх паўстанцаў». Падрабязней тут.
16. Слуцк за 10 хвілін: падкаст на 34mag.net (па-беларуску) і 34travel.me (па-руску).
17. Да стагоддзя Слуцкага збройнага чыну Рада БНР прадстаўляе абноўленую дыгітальную рэканструкцыю знакамітага сцяга Першага Слуцкага палка БНР, галоўнай беларускай вайсковай рэліквіі XX стагоддзя.
На сайце Рады БНР выявы даступныя ў максымальнай якасьці да зладаваньня і вольнага выкарыстаньня. Яны прыдатныя ў тым ліку да раздрукоўкі ў форме сцяга на тканіне.
Фільмы і ролікі пра Слуцкі збройны чын:
1. Прыкладна месяц у лістападзе і снежні 1920 года беларускія вайсковыя аддзелы, сфармаваныя пераважна з мясцовых сялян, аказвалі супраціў савецкім войскам. Спроба збройнай абароны незалежнасці Беларусі ў раёне Слуцку ўвайшла ў гісторыю пад назвай Слуцкі збройны чын. Хто з кім ваяваў і як гэта было — тлумачыць на салдаціках «Радыё Свабода».
2. 20 фактаў пра Слуцкі збройны чын ад жыхаркі Слуцку Аліны Нагорнай.
3. Якія паралелі Слуцкага збройнага чыну з сённяшнім днём? Пра гэта ў праграме «Intermarium» тэлеканалу «Белсат».
4. Фільм тэлеканала АНТ «40 дзён сялянскай рэспублікі» пра Слуцкі збройны чын з цыкла перадач «Зваротны адлік».
