У межах супрацы крамы Symbal.by і Беларускай федэрацыі футбола мы распрацавалі калекцыю атрыбутыкі «Tolki napierad» для заўзятараў нацыянальнай зборнай Беларусі па футболе «Белыя крылы» з нагоды старту розыгрышу Лігі нацый УЕФА і кваліфікацыі чэмпіяната Еўропы УЕФА 2020 года.
Фірмовыя цішоткі, заплечнікі, кепкі, шалікі вы можаце набыць у нашай краме ў Мінску па праспекце Машэрава, 18 і з дастаўкай у любую кропку Беларусі і свету, а таксама на бліжэйшых матчах «белакрылых» на стадыёне «Дынама». Усю калекцыю можна паглядзець тут.
Арнаментаваныя шалікі і заплечнікі «Белыя крылы»:
Кепкі «Belarus» ды белыя і чырвоныя цішоткі «Tolki napierad»:
3 верасня на пляцоўцы каля Нацыянальнага мастацкага музея Рэспублікі Беларусь адбылася прэзентацыя новай гульнявой формы Нацыянальнай зборнай Беларусі па футболе.
Як паведамлялася раней, у якасці тэхнічнага партнёра АБФФ выступіць кампанія Macron. Італьянскім вытворцам спартыўнай экіпіроўкі распрацаваны ўнікальны дызайн з выкарыстаннем нацыянальных элементаў.
Пасля вячэрняй трэніроўкі ўсе футбалісты, выкліканыя галоўным трэнерам Ігарам Крывушэнкам для ўдзелу ў матчах Лігі нацый супраць Сан-Марына і Малдовы, разам з трэнерскім штабам адправіліся ў цэнтр сталіцы.
Там, на пляцоўцы каля мастацкага музея і ў непасрэдным суседстве з культавым стадыёнам «Дынама», прайшла прэзентацыя экіпіроўкі каманды.
У дадатак да самой прэзентацыі, пры падтрымцы крамы «Symbal.by» і культурніцкай пляцоўкі «Арт Сядзiба» для заўзятараў былі падрыхтаваныя выступы гурта «Shuma», вулічнага тэатра «Вір», бубнача Хведара Грувіча, а таксама розныя конкурсы ад вядучага свята Аляксея Сапрыкіна.
Акрамя таго, спартсмены разам з заўзятарамі ацанілі новую лінейку атрыбутыкі «белых крылаў», распрацаваную і прэзентаваную АБФФ сумесна з крамай «Symbal.by» і культурнай пляцоўкай «Арт Сядзiба».
Падтрымаем каманду на стадыёне! Квіткі на бліжэйшыя матчы «белакрылых» можна набыць тут.
7 верасня АБФФ прэзентавалі «Ваяра» — талісмана нацыянальнай зборнай Беларусі па футболе.
Сімвалічна! Абаронца сённяшняй зборнай Беларусі па футболе Сяргей Паліцевіч у форме з бел-чырвона-белым сцягам, у якой каманда гуляла свой першы адборачны цыкл.
