Алічбаваная выцінанка «Лясун» (PDF)

Афлайн- і анлайн-крама Symbal.by пад ціскам шматлікіх праверак спынілі сваю працу. На нашым сайце мы пакінулі некалькі электронных тавараў з сыходнымі макетамі і дызайнамі ў pdf-файлах, якія раней былі рэальнымі рэчамі: кнігі, паштоўкі, торбы, цішоткі ды іншае.

Вы можаце выбраць пэўную колькасць такіх тавараў і аплаціць карткай ці праз PayPal з любой краіны. Аплочаныя файлы будуць даступныя  ў асабістым кабінеце.

Набываючы гэтыя электронныя тавары — вы дапамагаеце нашай камандзе ў мінімальным фармаце працягваць сваю дзейнасць, весці сацыяльныя сеткі, аплочваць штрафы ды іншыя выдаткі для захавання кампаніі.

Чаму зачынілася крама чытайце тут.

Увага! Калі вы хочаце падтрымаць нас і за адзін тавар аплаціць большую суму, то выбярыце патрэбную колькасць, якая адпаведна будзе памнажацца на кошт тавара.

Алічбаваная выцінанка «Лясун» раней выкарыстоўвалася намі для прынтоў на цішотках, а цяпер вы можаце выкарыстоўваць гэты дызайн для любых вашых мэтаў — пампуйце сыходны вектарны файл.

Лясун — міфалагічны вобраз у старадаўніх павер’ях беларусаў; гаспадар лесу і звяроў, які жыве ў лясных нетрах. Яго ўяўлялі ў выглядзе вялізнага (у рост дрэва) старога чалавека з белым, як бяроста, тварам, з вялікімі вачыма, у звярынай шкуры.

Лясун мог, нібыта, паказваць грыбныя і ягадныя мясціны, наганяць у бок паляўнічага звяроў і птушак, выбіраць бортнікам месца для ўстаноўкі калод, а таксама прымусіць чалавека доўга блукаць у адным месцы. Каб вярнуць таго, хто заблудзіўся, лясуна задобрывалі: на скрыжаванні лясных сцежак клалі хлеб з соллю ды сала.

Аўтар выцінанкі: Лізавета Чырвонцава.

Пра выцінанку:

Мастацтва выцінанкі атрымае статус нематэрыяльнай гісторыка-культурнай каштоўнасці Беларусі. Такое рашэнне было прынятае на пасяджэнні Беларускай рэспубліканскай навукова-метадычнай рады па пытаннях гісторыка-культурнай спадчыны.

Выцінанка — від дэкаратыўна-прыкладнога мастацтва, ажурны ўзор выразаны з паперы, які атрымаў распаўсюд у Беларусі, Польшчы і Украіне. У Беларусь выцінанка прыйшла ў XIX стагоддзі. Найбольш пашыраныя аднаколерныя выцінанкі, але часам іх робяць з некалькіх пластоў паперы рознага колеру. Выцінанкамі афармляюць і аздабляюць жытло, інтэр’еры да святаў, асобныя прадметы. На захадзе Беларусі раней чорнымі або паліхромнымі выцінанкамі аздаблялі пабеленыя сцены ў хатах.

Аднавілася выцінанка напрыканцы ХХ стагоддзя як від дэкаратыўна-ўжытковага мастацтва і знаходзіць сабе месца ў сучасных праявах.